Rakibolana sy Rakipahalalana malagasy : adimizana

|
|
|
|

Teny iditra (1/2)

1 adimizana

Sokajin-teny

2 anarana

Fanazavàna teny malagasy

3laharana fahafito amin' ny volana malagasy.
4Ny anarany dia nalaina avy amin' ny anaran' ny antokon-kintana, izay ataon' ny Arabo hoe El-mizân (Balance).
5Ny Adimizana dia reni-vintana mitretro ny Alakarabo, ary mibaby ny Asombola.
6Eo anjorom-baravarambe (atsimon-andrefana) no filaharany, ary mivoaka sy miditra eo ny soa sy ny ratsy.
7Isan' ny andro mahery ny Adimizana, ka ny ozona atao amin' ny olona vintan' Adimizana, dia manjary mivadika ho soa azy; tsy maty vonoina izy, fa tahaka ny varavarambe, ka na atositosika marain-tsy hariva aza dia tsy mankaiza fa mbola anton' ny trano eo ihany.
8Ny olona izay manana vintana mifandratra amin' ny Adijady, raha ta-hanao zavatra tian-ko mafy sy mateza, dia manao izany amin' ny vonton' Adimizana, indrindra fa ny hampaka-bady.
9Saingy atahotahorana ihany amin' izay ny tsy ho marina am-panambadiana, satria mivoha lava ny varavarambe (Adimizana); ka dia andevenana vatokilonjy ao ambany tokonana, mba tsy hihetsiketsika tahaka iny vato nalevina iny ny mpanambady.
10Ny kintana telonohorefy dia atao hoe Adimizana, noho ny filahatr' ireo kintana telo ireo, izay hoatra ny tsara lanja mihitsy, sady manana ny endriky ny vovona-mizana : misy fisasahany hampitoviana ny lanjan-javatra.
11Ny Alahamady no tonom-bintana mifandratra amin' ny Adimizana; ary ny mitanila eo amin' ny Alohotsy sy ny Adaoro kosa no iarenany sy iandrianany.
12Ny zaza teraka Adimizana dia ampitahirizina mizana, ary tsy mba avela hitafy lamba tohi-loha.
13Omby sada sy akoho maramara no manambina azy raha ompiany.. [1.10]
14

10 Adijady (reni-vintana) Capricornus Zanakosy

9 Alakaosy (zana-bintana) Sagittarus Mpitifitra

8 Alakarabo (zana-bintana) Scorpio Maingoka

7 Adimizana (reni-vintana) Libra Mizana

11 Adalo (zana-bintana) Aquarius Mihilana

12 Alohotsy (zana-bintana) Pisces Hazandrano

AVARATRA
A N D R E F A N A		A T S I N A N A N A
ATSIMO

6 Asombola (zana-bintana) Spica Virgo Saholim-bary

5 Alahasaty (zana-bintana) Leo Liona

1 Alahamady (reni-vintana) Aries Ondrilahy

2 Adaoro (zana-bintana) Taurus Ombilahy

3 Adizaoza (zana-bintana) Gemini Kambana

4 Asorotany (reni-vintana) Cancer Foza

. [3.1]
15Anaran' ny volana fahafito amin' ny filaharan' ny volana malagasy merina, aorian' ny Asombola ary alohan' ny Alakarabo, ka ny toerana omena azy ao an-trano dia eo amin' ny zoron-trano atsimo andrefana (zorom-baravarambe).
16Andro mahery aoka izany ny Adimizana ka ny ozona atao amin' ny olona teraka Adimizana aza mivadika ho soa ho azy.
17Fanandroana: vavany: raha lehilahy, mpivarotra, mpandranto; raha vehivavy: tsy mitahiry mizana fa miala vintana; raha tsy mpanankarena dia maty kely izy; vontony: tsara, mpanankarena, tsy maty vonoina; vodiny: tsara, tratra antitra; raha tsy maty kely, raha tsy roa volo tsy maty. [1.1]

Fanazavàna teny anglisy

18The name of the seventh month in the Malagasy year.
19[Ar.
20Al-mizanu -- Libra.]. [1.2]

Fanazavàna teny frantsay

21Nom de la septième lune et du septième mois de l'année malgache. [1.3]

Ohatra

22 Tsy azo atao adimizana ny famadiahana fa ampiady; [1.381#]
23 Ary tamy ny andro Talata 15 adimizana, 19 Janoary. [2.59#]
24 Dia navoaky ny Mpanjaka tamy ny andro Alakamisy 5 adimizana 31 Janoary 1884. [2.59]

Voambolana

25 Fotoana 26 Finoana

Renianarana

27 volana

Anarana iray reny