|
|
|
 |
 |
 |
|
|
| | | | |
|
| Teny iditra (1/2) | 1 Ralaikamboty |
| Sokajin-teny | 2 anarana hita ao amin' ny ohabolana [Fitanisana] |
| Ohabolana | 3 Ohabolana misy io teny io |
| Teny iditra (2/2) | 4 Ralaikamboty |
| Sokajin-teny | 5 anarana (lohatenin-tononkalo) [Fitanisana] |
| Voambolana | 6 Haisoratra: tononkalo |
| Mpanoratra |
7Rajaobelison Samuël |
| Lahatsiratra manontolo |
8 Kanety telo no mba fananana. 9 Voaisa lava sy maty an-tanana ; 10 rovi-jiafotsy no isalorana, 11 izay tsy voavitrana nofatorana ! 12 Ralaikamboty manara-tsena, 13 miandry'zay olona mba onena ! 14 Manao mbay lalana ombieny ombieny 15 no sady mangataka lavareny ; 16 sendra vomanga, mambosibosika, 17 sendra olon-doza, voatositosika: 18 Ralaikamboty tomany homana, 19 singany irery ao an-katakonana! 20 Harona kely tsizarizary, 21 feno ombi-kena sy tonom-pary, 22 arahin'ny lalitra moramora, 23 k'izay tsy mihoaka mitsipi-drora: 24 omby mahia tsy lelafi-namana, 25 tranon'ny ory tsy manavanana ! 26 Endrika hatsatra sy mandràka , 27 dindon'ny fiainany latsa-paka, 28 maso efa lalina sady haolo, 29 " taola-mitsangana " , hoy ny Ntaolo: 30 Ralaikamboty tsy mba mihety 31 na andro lanonana na andro fety! 32 Endrey izato lotony loza loatra, 33 nilaozan'ny tanana mpanamboatra: 34 ineny nialoha any an-danitra any, 35 idada tsy namana ety an-tany, 36 ny havana akaiky mandatsalatsa , 37 Ralaikamboty tsy misy patsa! 38 Rava ny tsena, hariva ny andro, 39 lasa'reo olona mba hahandro; 40 Ralaikamboty no sisa hita 41 revo mitsimpona ery am-pita; 42 alika mierona mitofezaka 43 no ifandrombahana an'ezakezaka! 44 Latsaka ny alina mamanala, 45 Ralaikamboty misalasala: 46 Hody, tsy manana izay akany; 47 hijanona an-tsena, mba mafy ihany; 48 ambany sarety efa kotrakotra 49 no indro midaboka sy mitsotra! 50 Rehefa nanapitra ron-doha 51 ka nitanisa'reo tsy hifoha, 52 sasatra mantsy fa malamalana , 53 sovohin-tory mahalankalana ; 54 mbola migoika sy miolanolana, 55 tazan'ny kintana sy ny volana! |
| Nohavaozina tamin' ny 2025/11/02 |
|